全囯嘅老話事人雲集一齊
不過開會目的祇係做show
個個都係會為大老細已經決定好既事舉手贊成
其實係擦鞋老坑大會
當然擦鞋會次次都會順利完滿結束啦！
完場散會時
某地方第一代老笨董事長落樓梯級時突然.....
眼前一黑
腳下一空
仆倒人前
其他擦鞋老鬼見到當然一湧而上
呢個囯家嘅人格非比尋常
見人仆街就最開心
由其是第三同第四代後繼嘅董事長見第一代仆街當然格外開心
扮好人上前扶一下做樣點小得
心中笑鬼呢條友八十幾歲老而不死
第三代男董事長先到拉著第一代隻左手
第四代現任女董事長驚死搵唔到著數
快快手又拉住第一代隻右手
拉起條友之後目光當然睇下佢係咪企得到
望一望條友對腳
發現好似有灘水漬
第三代心諗：「你條老坑唔通仆街仆到失禁！」
第四代就另一角度望到重有水滴緊落地
源住水滴由底向返上望
原來水滴是從第一代口中流出
再望真小小.....水滴並非口水.....而係暗紅色嘅......血！？
第四代就心諗：「頭先睇唔到你個頭撞到㗎！仆街仆到嘔血！你都算第一個！死啦咪整到我套名牌套裝吖！」
跟手再望高小小
四目交投之際！
一對死魚眼.....目光呆滯......但個口撐得大大
個死人頭係咁伸埋來又唔好意思彈開
就係咁
第一代條友個咀就咬左落第四代條頸度
嘩！比人咬當然痛到大叫啦！
第三代儍儍咁以為第一代咸濕kiss條八婆啫！
正想拉走條老色狼時
條友擰轉頭又伸過狗頭來第三代呢面
第三代比其他人高
所以好彩無比條友咬到頸
但佢自覺地用手想推開第一代個死人頭之際
就咁比第一代咬走咗佢兩隻手指
今次輪到第三代怪叫
怪叫聲此起彼落
原本湧緊埋去嘅人即刻停住
見到第一代個樣已經不似人型
滿口血加死魚眼
重不停咬緊口中嘅「食物」
咬到指骨嘅「咯咯」聲真係好難聽！
第四代被咬完頸
血不停從傷口噴出
已經無曬力瞓底咗係樓梯上
第三代就呆咗望住自己隻剩下三隻手指既手
第一代吞咗手指之後重未夠飽
跳起撞向第三代
撞倒條友之後第一代就繼續大口大口咁咬落去
其他人呆呆的反應唔到
睇住第一代咬呀咬呀⋯⋯不其然吞起口水
企得最近第四代的人突然見到第四代彈起身
又伸出個頭向住佢條頸
可能真係太可怕
腳同手都反應唔切
已經比第四代條八婆咬咗落去
只有怪叫聲反應得切
叫痛係自然反應
一直不斷嘅只係聽到叫聲.....
會場外面
有一個奇裝異服嘅女人
佢就係第三代嘅夫人
人稱龍蝦夫人
聽到怪聲就沖入會場搵老公
可惜會場已經變咗屠場
就係咁.....班老坑多咗個龍蝦餐食
呢班老而不終於......
對世人來講都算係一件好事！
暫時完
No comments:
Post a Comment