拍了片或影咗相都會放上網
今日一早就有好人share咗同一條片
片中有一條斜路
都算特別嘅.....一條馬路
一條比真馬行嘅真正馬路
馬路口見有一班警察圍住一個人
呢個人雙手係放下無舉高嘅
一個白衣officer在前
另外幾個PC在後
Officer先出手打個條友
其他藍衫PC一湧而上用baton打個人
遠睇條友好似唔怕痛咁
個頭岳高小小企直個身任打
被打咗幾棍之後又想繼續行
班警察見條友打極無反應
其中一個用防暴盾推底個條友
其他幾個一齊拉咗條友埋路邊
就開始不停咁用baton 打落去
打咗幾分鐘打到噴曬血咁
但條友無叫痛反而班警察就個個怪叫
而且開始彈開
彈開曬就開始見到真相
個白衫officer反過來比條友按住係地下
件白衫已經變咗紅衫
條友係咁將個頭伸去個officer身上轉來轉去
其他PC有幾個丟底警棍用右手按住左手上嘅傷口
全部PC都退後曬
條友突然彈起沖向另一個PC
終於見到條友滿口都係血
捉住個PC之後又咬落去
又係聽到怪叫同見到噴血
大部PC駭到無曬反應
有反應嘅都只係用棍打條友
但條友完全不理棍打
祇係不斷咬咬咬.....
咬到呢PC靜落來唔再郁
就向另一個PC攻過去
一個又一個.....直至終於有人醒起有鎗
打咗一鎗......又一鎗.....六發打完
開鎗個位最終都被咬埋
個條友中咗六鎗重係企返起身
更奇怪係.....件紅衫officer都起埋身！
咬人條友開始望向其他圍觀嘅市民
佢同officer沖向人群
瞓底係地班PC都慢慢一個又一個咁起返曬身
起完身都係一個又一個咁沖向班攞住電話拍緊片同影緊相嘅人羣
不斷重複......咬 叫同血 咬叫同血.....
新聞佈導完畢.....暫時
